4—7-nji dekabr aralygynda Italiýanyň Wenesiýa prowinsiýasynyň Ýezolo syýahatçylyk şäherinde «Karate 1» Ýaşlar ligasynyň nobatdaky tapgyry geçirildi. Bütindünýä karate federasiýasynyň (WKF) bu abraýly halkara ýaryşyna dünýäniň 83 döwletinden 3378 türgen gatnaşdy.
Ýaryşyň dowamynda 14 ýaşa çenli türgenleriň arasynda kumite görnüşi boýunça Türkmenistanyň ýygyndy toparynyň agzasy Muhammetoraz Gulow üstünlikli çykyş edip, kümüş medalyň eýesi boldy. Ol 40 kg çenli agram derejesinde tälimçisi Serdar Muhammetnazarowyň ýolbaşçylygynda bäsleşdi.
Ýeri gelende bellesek, Muhammetoraz Gulow Mary welaýatynyň Baýramaly şäheriniň 1-nji orta mekdebiniň 7-nji synp okuwçysydyr. Bu üstünlik Türkmenistanyň ýaş türgenleriniň halkara arenasynda taýýarlygynyň ýokary derejesini görkezmegi başarýandyklaryny bir gezek tassyklady.