«Casio» kompaniýasy «Coca-Cola» brendi bilen hyzmatdaşlykda döredilen «G-Shock GA-2100CC-3A» sagadynyň çäkli toplumyny tanyşdyrdy. Bu täze önüm brendiň 140 ýyllygyna bagyşlanyp, eýýäm Ýaponiýada takmynan 170$ baha bilen satuwa çykaryldy.
Ajaýyp taslamanyň özboluşly aýratynlyklary:
Sagadyň dizaýny meşhur çüýşe gaplaryndan ylham alnyp taýýarlanyldy:
Gaby we kemeri: Ýarym aýdyň ýaşyl reňkli materialdan ýasaldy.
Siferblat: Gazly suwy ýatladýan köpürjikli gurluşa, «Coca-Cola» logosyna we çüýşe şekilli bezeg elementine eýe boldy.
Görnüşi: Sagat wagt görkezilişiniň analog we sanly (digital) formatlaryny özünde jemleýär.
Tehniki häsiýetnamasy
Bu model «G-Shock» tapgyrynyň iň esasy aýratynlyklaryny özünde saklaýar:
Çydamlylyk: Urga durnuklylygy we 200 metre çenli suw geçirmemezlik ukyby.
Wezipeleri: 31 sany wagt guşaklygyny görkezýär, sekunt ölçeg,i taýmer, 5 sany oýaryş mümkinçiligi we goşa LED yşygy.
Ölçegleri: Gabynyň ölçegleri 48,5 x 45,4 x 11,8 mm, agramy bolsa bary-ýogy 51 grama deňdir.
