Türkmenistanyň Futbol federasiýasynyň Kubogy ugrundaky bäsleşigiň aýgytlaýjy duşuşygy geçirilip, onuň netijesinde «Arkadag» topary bassyr ikinji gezek baş baýraga mynasyp boldy.
Paýtagtymyzdaky «Aşgabat» köpugurly stadionynda 12-njy martda geçirilen final duşuşygynda «Şagadam» bilen duşuşan «Arkadag» topary 2:0 hasabynda ýeňiş gazandy.
«Şagadam» – «Arkadag» – 0:2
Gollar: 3 Meýlis Diniýew, 61 Didar Durdyýew.
«Aşgabat» toparyny 2:0 hasabynda ýeňlişe sezewar eden «Ahal» üçünji orna mynasyp boldy.
«Ahal» – «Aşgabat» – 2:0
Gollar: 79 Aşyr Jumadurdyýew, 81 Mergen Nurlyýew, öz derwezesine.
Final duşuşygyndan soň ýeňiji bolan toparlaryň sylaglanyş dabarasy geçirildi.
Ýeri gelende bellesek, TFF-niň Kubogy ugrundaky bäsleşik toparlaryň 8-siniň gatnaşmagynda geçirildi: «Arkadag» (Arkadag şäheri), «Ahal» (Ahal welaýatynyň Änew şäheri), «Şagadam» (Balkan welaýatynyň Türkmenbaşy şäheri), «Merw» (Mary welaýatynyň Mary şäheri), «Aşgabat» (Aşgabat şäheri), «Nebitçi» (Balkan welaýatynyň Balkanabat şäheri), «Köpetdag» (Aşgabat şäheri) hem-de 20 ýaşa çenli Türkmenistanyň ýaşlar ýygyndy topary.
