«Hazar logistik» hojalyk jemgyýeti paýtagtymyzda geçirilýän «Türkmenistanyň nebiti we gazy – 2025» atly XXX halkara sergisine nebitgaz pudagy üçin häzirki zaman logistika çözgütlerini hödürleýän diwarlygy bilen çykdy.
«Diwarlygymyzda bolup, mümkinçiliklerimize gyzyklanma bildiren, biziň bilen netijeli duşuşyklary geçiren ähli myhmanlara hoşallyk bildirýäris. Biz hyzmatdaşlyga açyk we täze halkara taslamalary ösdürmäge taýýar» diýip, kompaniýanyň wekili belledi.
Kompaniýa howa we deňiz ýükleriniň birleşdirilmegine ýöriteleşýär hem-de port hyzmatlaryny, mundan başga-da, porta girişi hem-de ýüküň utgaşdyrylyp ýüklenmegini öz içine alýan multimodal daşama hyzmatlaryny hödürleýär. «Hazar logistik» tarapyndan hödürlenilýän hyzmatlar toplumynyň düzüminde gümrük resmileşdirilmesi, brokerlik hyzmatlary we ýük ugradyjynyň jogapkärçiliginiň ätiýaçlandyrylmasy dolulygyna üpjün edilýär.
Mundan başga-da, kompaniýanyň hyzmatlarynyň sanawyna harytlaryň professional derejede ammarlanmagy, saýlanyp gaplanmagy, ştrih-kod bilen bellenmegi, şeýle hem 3PL logistikanyň üçünji tarapynyň çäginde saklanylmagy we paýlanylyşy girýär.
«Hazar logistik» ýokary hyzmat derejesini, möhletleriň berjaý edilmegini we logistika çykdajylarynyň amatly tertipde bellenmegini kepillendirýär. Mundan başga-da, kompaniýanyň giň geografiki mümkinçiliklerini, ýük daşama görnüşleriniň köpdürliligini, ýükleri bir toplumda utgaşdyrmak şertini, dolulygyna gözegçilikde saklamak hyzmatlaryny, müşderilere bolan aýratyn çemeleşmesini, ygtybarlylygyny we howpsuzlygyny belläp bileris.
