Portugaliýaly ýyldyz futbolçy Kriştianu Ronaldu geçen möwsümde Saud Arabystanynyň çempionatynyň iň köp gol geçiren futbolçysy hökmünde ikinji gezek «Altyn butsy» baýragyny aldy. Klubuň metbugat gullugynyň habar bermegine görä, baýragy gowşurmak «Al-Nasryň» öňki kapitany we klubuň taryhynda iň köp golçy hökmünde tanalýan Majid Abdulla ynanyldy.
Ronaldu 2024/25-nji ýyllaryň futbol möwsüminde «Al-Nasryň» düzüminde 30 oýna gatnaşyp, 25 gol geçirdi we üç assist etdi.
