Eýran Yslam Respublikasynyň Türkmenistandaky ilçihanasynyň Medeniýet merkezi her ýylyň 15-nji maýynda bellenilýän Pars dilini goramak güni mynasybetli döredijilik bäsleşigini yglan edýär. Oňa gatnaşyjylar surat çekmek boýunça bäsleşerler. Şeýlelikde, birinji, ikinji we üçünji orunlary eýelän gatnaşyjylara pul baýraklary gowşurylar.
Bu başlangyç Gündogaryň baý edebi we medeni mirasyny wizual sungat arkaly wagyz etmäge gönükdirilendir. Guramaçylar sungatyň çäginiň ýokdugyny nygtamak bilen, giň jemgyýetçiligi ajaýyp bäsleşige gatnaşmaga çagyrýarlar.
Işler 11-nji maýa çenli Eýran Yslam Respublikasynyň Aşgabatdaky ilçihanasynyň Medeniýet merkezinde kabul edilýär.
