Ýewropanyň iň abraýly klub ýaryşy özüniň has gyzgalaňly tapgyryna gadam basýar. Çempionlar ligasynyň täzelenen umumy tapgyry tamamlanansoň, janköýerleriň ünsi indiki tapgyra — galan sekiz ýollanmanyň eýelerini kesgitlejek pleý-off raunda gönükdi.
Pleý-off duşuşyklary iki tapgyrda geçiriler: ilkinji duşuşyklar 17-18-nji fewralda, jogap oýunlary bolsa 24-25-nji fewralda bolar. Bu oýunlaryň ýeňijileri 1/8 finala göni gatnaşmaga hukuk gazanan iň güýçli sekiz klubyň hataryna goşularlar.
Şu agşamyň — 18-nji fewrala geçilýän gijäniň oýunlarynyň geçiş tertibi
Şu günki oýunlaryň örän çekeleşikli geçmegine garaşylýar. Maksatnama Stambulda açylýar we şol bir wagtyň özünde geçiriljek üç sany «top-duşuşyk» bilen tamamlanýar. Oýunlaryň başlanýan wagty Aşgabat wagty bilen görkezilendir.
Sagat | Duşuşyk |
22:45 | «Galatasaraý» (Türkiýe) — «Ýuwentus» (Italiýa) |
01:00 | «Benfika» (Portugaliýa) — «Real Madrid» (Ispaniýa) |
01:00 | «Borussiýa D» (Germaniýa) — «Atalanta» (Italiýa) |
01:00 | «Monako» (Fransiýa) — «PSŽ» (Fransiýa) |
Aýratyn üns «Monako» we «PSŽ» klublarynyň duşuşygyna, şeýle hem Madridiň «Realynyň» Lissabona saparyna gönükdirilendir.
Kimler eýýäm 1/8 finalda?
Ýatladyp geçsek, esasy tapgyryň netijeleri boýunça sekiz klub iň gowy görkezijileri bilen tapawutlanyp, indiki tapgyrdaky çykyşyny kepillendirdi. Olar pleý-off tapgyryna gatnaşmazdan, nobatdaky garşydaşlaryna garaşýarlar:
Angliýa: «Arsenal», «Liwerpul», «Tottenhem», «Çelsi», «Mançester Siti».
Ispaniýa: «Barselona».
Germaniýa: «Bawariýa».
Portugaliýa: «Sporting».
