Türkmenistanyň Futbol federasiýasynyň hem-de Ahal welaýatynyň Gökdepe etrabynyň Babarap geňeşligindäki ýaş olimpiýaçylary taýýarlaýan sport mekdep-internatynyň bilelikde guramagynda ýaş futbolçylaryň gatnaşmagynda «Grassroots» çagalar futbol festiwaly geçirildi.
Mekdep-internatynyň futbol meýdanynda geçirilen bu festiwal ýaş futbolçylaryň ençemesini bir ýere jemledi.
Festiwalyň dowamynda çagalar guramaçylar tarapyndan ýörite gurnalan türgenleşik çärelerine hem-de dürli ugurlardaky bäsleşiklere gatnaşdylar. Çäräniň ahyrynda gatnaşyjylara Türkmenistanyň Futbol federasiýasy tarapyndan futbol toplary sowgat hökmünde gowşuryldy.
Ýakynda bu ugurdaky futbol festiwalynyň Geljekki olimpiýaçylaryň ýöriteleşdirilen çagalar-ýetginjekler, Aşgabat şäheriniň bedenterbiýe we sport baradaky Baş müdirliginiň, «Olimp» orta sport mekdepleriniň hem-de Köpetdag sport toplumynyň «Köpetdag» futzal klubunyň futbol meýdanlarynda guralandygyny ýatladýarys.
