Türkmenistanyň Mejlisi «Türkmenistanyň dolandyryş-çäk bölünişiginiň meselelerini çözmegiň tertibi hakynda» Türkmenistanyň Kanunyna laýyklykda, welaýatlarda täze etraplary döretmek we olary atlandyrmak hakynda Karar kabul etdi.
Şunlukda, Ahal welaýatynda Altyn asyr, Daşoguz welaýatynda Garaşsyzlyk (Andalyp şäheri), Gubadag (Gubadag şäheri) etraplary, Lebap welaýatynda Döwletli (Döwletli şäherçesi, Farap (Farap şäheri) hem Garabekewül (Garabekewül etraby), Mary welaýatynda Oguzhan etraplary döredildi.
Resminama laýyklykda:
Daşoguz welaýatynyň Akdepe etrabynyň edara ediş merkezi Akdepe şäherine geçirildi.
Ahal welaýatynyň Ak bugdaý etrabynyň Öňaldy geňeşliginiň çäginde täze dörän ilatly ýere oba derejesi berildi we oňa «Kepele» ady dakyldy hem-de bu oba Öňaldy geňeşliginiň düzümine goşuldy.
Ahal welaýatynyň Gökdepe etrabynyň Gorjaw geňeşligi ýatyryldy, bu geňeşligi we onuň düzümindäki Gorjaw obasy dolandyryş-çäk birlikleriniň hasabyndan çykaryldy.
Lebap welaýatynda şu ilatly ýerleri, ilatyň ýaşamaýandygy we ilatyň sanynyň kanunçylykda bellenilenden azdygy sebäpli, dolandyryş-çäk birlikleriniň hasabyndan çykaryldy:
Çärjew etrabynyň Osty geňeşliginiň Gyrteki obasy;
Köýtendag etrabynyň Garrygala geňeşliginiň Hojaşüllük obasyny, Köýten geňeşliginiň Mälik obasy.
