Türkmenistanyň futbol boýunça ýygyndy topary 29-njy awgust — 8-nji sentýabr aralygynda iki şäherde — Duşenbe (Täjigistan) hem-de Daşkent (Özbegistan) şäherlerinde geçiriljek MAFA (CAFA) Milletler Kubogy 2025-e gatnaşar. Bu abraýly halkara ýaryşda çykyş etjek Türkmenistanyň ýygyndy toparyna 24 futbolçy wekilçilik edýär.
Häzirki wagtda Türkmenistanyň milli ýygyndy topary Özbegistanyň Daşkent şäherinde türgenleşik işlerini alyp barýar. Ýurdumyzyň milli ýygyndy toparynyň baş tälimçisi Röwşen Meredow bu halkara ýaryşda çykyş etjek toparyň düzümine 24 futbolçyny çagyrdy.
MAFA Milletler Kubogy 2025-de çykyş etmäge çagyrylan Türkmenistanyň milli ýygyndysynyň düzümi:
Derwezeçilar: Öwezow Muhammet («Şagadam»), Çaryýew Rasul («Arkadag»), Ahallyýew Rüstem («Arkadag»).
Goragçylar: Jumaýew Wepa («Witebsk»), Gürgenow Bagtyýar («Ahal»), Bäşimow Abdy («Arkadag»), Mämmedow Ybraýym («Arkadag»), Rejebow Berdimyrat («Arkadag»), Toýjanow Yhlas («Arkadag»), Annagulyýew Güýçmyrat («Arkadag»).
Ýarymgoragçylar: Gurbanow Ýazgylyç («Arkadag»), Sapargulyýew Arzuwguly («Arkadag»), Myratberdiýew Rahman («Altyn Asyr»), Beknazarow Mirza («Arkadag»), Ballakow Welmyrat («Arkadag»), Annaýew Gurban («Ahal»), Saparmämmedow Yhlas («Arkadag»), Ataýew Ahmet («Arkadag»).
Hüjümçiler: Titow Mihail («Ozgen»), Durdyýew Didar («Arkadag»), Hydyrow Şamämmet («Arkadag»), Tirkişow Şanazar («Arkadag»), Annadurdyýew Altymyrat («Arkadag»), Akmämmedow Begenç («Arkadag»).
Bu ýaryşda Türkmenistanyň futbol boýunça ýygyndy topary «А» toparçada çykyş edýär. toparçanyň duşuşyklary Daşkentde geçer. Türkmen toparynyň garşydaşlary Özbegistanyň, Gyrgyzystanyň hem-de Omanyň ýygyndylary bolar.
Türkmenistanyň ýygyndy toparynyň duşuşyklarynyň senenamasy:
Gyrgyzystan – Türkmenistan
Duşuşygyň senesi: 30-njy awgust.
Başlanýan wagty: 17:00 (Aşgabat wagty bilen).
Geçirilýän ýeri: «Jar» stadiony.
Türkmenistan – Özbegistan
Duşuşygyň senesi: 2-nji sentýabr
Başlanýan wagty: 19:30 (Aşgabat wagty bilen).
Geçirilýän ýeri: «Jar» stadiony.
Türkmenistan – Oman
Duşuşygyň senesi: 5-nji sentýabr
Başlanýan wagty: 17:00 (Aşgabat wagty bilen).
Geçirilýän ýeri: «Olimpiýa» stadiony.
Bu halkara ýaryşyň «B» toparçasynda Eýranyň, Täjigistanyň, Owganystanyň hem-de Hindistanyň ýygyndy toparlary çykyş edýär. Toparçanyň ähli duşuşyklary Duşenbe şäherindäki «Hisor» merkezi stadionynda geçiriler. Ýaryşyň açylyş duşuşygy «B» toparçasyndaky Eýran bilen Owganystanyň arasynda 29-njy awgustda sagat 17:00-da başlanjak oýny bolar.
Toparçalarynda birinji ýeri eýelemegi başaran ýygyndy toparlar finalda, ikinji orunlara mynasyp bolan ýygyndylar bolsa bürünç medal ugrunda geçiriljek duşuşykda çykyş etmäge hukuk gazanarlar. Halkara ýaryşyň final duşuşygy 8-nji sentýabrda «Jar» stadionynda, üçünji orun ugrundaky duşuşyk bolsa «Hisor» merkezi stadionynda guralar.
