Türkmenistanyň ýaş tennisçileri 27-30-njy sentyabrda Gruziýanyň Tbilisi şäherinde geçirilen «WTT Youth Contender Tbilisi» halkara ýaryşynda ynamly çykyş etmegiň hötdesinden geldiler. Türgenlerimiz Ylýas we Dörtguly Allanazarowlar, Mukam Artykow, Atahan Pigamow, Hasan Saparmyradow, Nazar Abdyýew, Jennet Pigamowa dagy abraýly ýaryşyň toparçasyndan çykmagy başardylar. Olara ussat tälimçi Dawut Ýakubow tälim berýär.
Munuň stol tennisi boýunça milli mekdebimiziň üstünligidigini bellemek gerek. Bu çykyşlar yaş türgenlerimiziň toplaýan tejribesinden we ussatlyga ymtylyşyndan nyşandyr.
Zehinli ýaş tennisçiler — stol tennisi boýunça milli mekdebimiziň geljegi! Şonuň üçin hem, şu günki tejribäniň ertirki uly ýeňişleriň binýadydygyny ynamly aýdyp bileris.
Biz Türkmenistanyň Stol tennisi federasiýasynyň türgenlerine öňde boljak abraýly ýaryşlarda hem uly üstünlikleri arzuw edýäris.
