Dilleri öwrenmek üçin niýetlenen «Babbel» platformasy Täze Zelandiýanyň ýerli halkynyň dilindäki «kaitiakitanga» sözüniň dünýäniň «iň owadan sözi» diýlip yglan edilendigini tassyklady.
Bu hyzmat «Reddit» we «TikTok» ýaly dürli jemgyýetçilik platformalaryndaky ara alyp maslahatlaşmalaryň seljermesiniň netijesinde, 75 dilden 223 sözden ybarat bolan sanawy düzdi. Şondan soň halkara dilçiler we medeniýet bilermenlerinden ybarat bolan topar reýtingiň ýeňijisini saýlady. Saýlap almak üçin esasy ölçegler hökmünde sözüň eşidilişi, manysy, seýrekligi we medeni ähmiýeti bellige alyndy.
«Kaitiakitanga» sözi ýönekeý terjimede «gorag» we «pena» diýmegi aňladýar. Emma sözüň hakyky manysy has çuňdur: ol «daşky gurşawy häzirki we geljekki nesiller üçin goramagyň hem-de oňa alada bilen çemeleşmegiň usulydyr».
Reýtingiň iň ýokary basgançaklarynda aşakdaky sözler hem orun aldy:
Aura (grek dili) — adamy gurşap alýan özboluşly energiýa, duýgy ýa-da gurşaw.
Zefir (grek dili) — ýakymly, ýeňil we serginlediji şemal.
