Aşgabat ählumumy intellektual marafonynyň bir bölegi bolmaga taýýarlanýar: paýtagtymyzda dünýäniň dürli künjeklerindäki özboluşly pikirlerini hödürleýän adamlary birleşdirýän, Pariždäki Fransuz institutynyň halkara başlangyjy bolan meşhur «Ideýalar gijesi» geçiriler. Bu agşam şäherliler we bilermenler bir meýdançada jemlenip, «Ýoly açmak» diýen umumy tema astynda döwrümiziň esasy wezipelerini ara alyp maslahatlaşarlar.
Aşgabatlylara we paýtagtymyzyň myhmanlaryna tehnologiýalaryň, sungatyň we ekologiýanyň geljegine bagyşlanan giň gerimli çekişmeleriň üçüsi garaşýar:
15:00 — Sungat we bilim. Sanlylaşdyrma döwründe çeperçilik biliminiň ähmiýeti baradaky panel çekişmesi. Bilermenler okatmagyň däp bolan usullary bilen täze IT-gurallarynyň arasyndaky deňagramlylygy saklamagyň ýollaryny maslahatlaşarlar.
16:30 — Emeli aň we hünärleriň geljegi. Ýerli IT-hünärmenleriniň gatnaşmagyndaky «tegelek stol». Gatnaşyjylar emeli aňyň zähmet bazaryna ýetirýän täsirini, bilim almak mümkinçiliklerini we Türkmenistandaky sanly transformasiýanyň geljegini ara alyp maslahatlaşarlar.
16:00 — Ekologiýa we durnukly ösüş. Sebitdäki ekologiýa meseleleri we innowasion çözgütler baradaky çekişme. Çykyş edijiler «ýaşyl» tehnologiýalary ornaşdyrmak tejribesi barada gürrüň bererler we daşky gurşawy goramakda ýaşlaryň ornuny bellärler.
Çärä IT-kompaniýalaryň wekilleri we mugallymlar, ekologlarlardyr jemgyýetçilik guramalarynyň işjeň wekilleri, suratkeşler, horeograflar hem-de teatr işgärleri gatnaşarlar.
Giriş: mugt
Salgy: Aşgabat ş., Aga Garryýew köçesi, 69-njy jaý.
