Ýakynda «Apple» kompaniýasy «iPhone» smartfonlaryny götermek üçin niýetlenen bezeg önümini satuwa çykardy. Häzirki wagtda bolsa bu önüm elýeterli bolan ähli ýurtlarda dolulygyna satylyp gutardy.
«iPhone Pocket» 14-nji noýabrda — anna güni ABŞ-da, Fransiýada, Hytaýda, Italiýada, Ýaponiýada, şeýle hem Singapuryň, Koreýa Respublikasynyň hem-de Beýik Britaniýanyň «Apple» internet dükanlarynda sargyt etmek üçin elýeterli bolupdy. ABŞ-da ol gaty çalt satylyp gutardy, ýöne käbir reňkleri we ölçegleri Koreýa Respublikasynda we beýleki birnäçe ýurtlarda elýeterliligine galypdy. Aksessuar gysga we uzyn görnüşlerde, dürli reňklerde hödürlenýärdi. ABŞ-da onuň bahasy 150 — 230 dollar aralygynda üýtgeýärdi.
«iPhone» smartfony «iPhone Pocket» örtüginde dolulygyna ýerleşýär, ony ekrana seretmek ýa-da goşmaça zatlary salmak üçin biraz dartyp hem bolýar. Aksessuary eliňde götermek, torbaňdan asmak ýa-da dakynyp gezmek mümkinçiligi bar.