Dünýäniň iň uly awiasiýa, kosmos we tehnologiýalar festiwaly bolan «TEKNOFEST» taslamasynyň çäginde guralýan 2026-njy ýylyň tehnologik bäsleşiklerine ýüztutmalary kabul etmek işi başlandy. Bu ýyl festiwal Şanlyurfa şäherinde geçiriler.
«TEKNOFEST 2026» ýaş innowatorlary täze açyşlara çagyrýar. Festiwalyň çäginde jemi 75 million türk lirasy möçberindäki baýraklar we 100 million liradan gowrak maliýe goldawy hödürlenýär.
Öz ideýalaryny taslamalara, taslamalaryny bolsa geljege öwürmäge çalyşýanlar üçin arzalary kabul etmek 20-nji fewrala çenli dowam eder. 2026-njy ýylda jemi 52 bäsleşik we 127 kiçi goşmaça ugurlar boýunça ýaryşlar guralar.
«TEKNOFEST-iň» tehnologik bäsleşiklerine gatnaşmak üçin www.teknofest.org saýty arkaly arza tabşyrmaly.
