«OpenAI» täze «ChatGPT Atlas» web-brauzerini hödürledi.
Bu ýerde «ChatGPT-niň» mümkinçilikleri göni interfeýsde gurnaldy. Indi ulanyjylar web sahypada goşundylary alyşmak ýa-da maglumatlary göçürmek bilen ýüzbe-ýüz bolmazdan, tekstler, wezipeler ýa-da sahypalar bilen göni işläp bilerler.
Brauzeriň esasy aýratynlyklarynyň biri «browser memories» atly mümkinçiligidir. Ol giren web sahypalaryny ýatda saklaýar we geljekki gepleşiklerde bu mazmuny ulanýar. Ulanyjylar bu mümkinçiligi öçürip, arhiwläp, saklanan maglumatlary gözden geçirip ýa-da bozup bilerler.
Mundan başga-da, «Agent Mode» düzgüni peýda boldy. Bu düzgünde «ChatGPT» sahypalarynda özbaşdak hereket edip, goşundylary açyp, maglumat kagyzlaryny dolduryp, maglumat gözläp ýa-da çäreleri meýilleşdirip bolar. Häzirki wagtda bu mümkinçilik synag görnüşinde bolup, «Plus», «Pro» we «Business» meýilnamalaryndaky ulanyjylar üçin elýeterlidir.
«ChatGPT Atlas» brauzerini eýýäm «macOS» ulgamynda ulanyp bolýar. Indi bolsa «Windows», «iOS» we «Android» üçin niýetlenen nusgalar işlenip düzülýär we ýakyn wagtda elýeterli bolar. Brauzeri «chatgpt.com/atlas» sahypasyndan göçürip alyp bolýar.
