Çagalary goramagyň halkara gününiň öňüsyrasynda Tahyr Ataýewiň orkestri çagalaryň fantaziýasynyň dünýäsine uzaýan gapylary açýar we ýaş zehinleri sungata bolan duýgularyny suratlaryň üsti bilen beýan etmäge çagyrýar. Guramaçylar her bir çaganyň sazy özboluşly kabul edýändigine ynanýarlar we bu dünýäni ösüp gelýän nesliň nazary bilen görmegi maksat edinýärler.
15 ýaşa çenli çagalar we ýetginjekler bäsleşige gatnaşmak üçin çagyrylýar.
Gatnaşyjylar «Saz meniň durmuşymda» diýen mowzukda surat çekmelidirler. Işiň öň tarapynda awtoryň adyny, familiýasyny we ýaşyny görkezmek hökmany şertdir. Şunlukda, surata sazyň awtor üçin näme aňladýandygy we onuň çagalar üçin näme sebäpden möhümdigi barada gysgaça hekaýa (bary-ýogy birnäçe sözlem) goşulmalydyr.
Gatnaşmagyň tertibi:
Suraty çekmeli, oňa gol çekmeli we arka tarapyna gysgaça hekaýa ýazmaly;
Gatnaşyjy öz çeken suraty bilen surata düşmeli, şol suraty «Instagram Story» ulgamynda paýlaşmaly, orkestriň «@tahir_atayev_string_orchestra» hasabyny bellemeli we «#музыкаидети» heştegini ulanmaly;
Işleriň asyl nusgalary 2026-njy ýylyň 25-nji maýyna çenli orkestriň ofisinde kabul edilýär.
Bu ýaryş özara bäsdeşlik hökmünde däl-de, eýsem, baýramçylyk gününde her bir kiçijik döredijilik eýesine aýratyn üns bermegiň usuly hökmünde meýilleşdirildi. Şol bir wagtyň özünde bolsa 2026-njy ýylyň 25–31-nji maýy aralygynda orkestriň hasabynda tomaşaçylaryň ses berilişigi geçiriler, onda abunaçylar öz göwünlerinden turan iň täsirli işleri saýlap bilerler.
Bäsleşigiň netijeleri 1-nji iýunda — Çagalary goramagyň halkara gününde jemlener. Iň täsirli we ylham beriji işleriň awtorlaryna orkestrden we hyzmatdaşlardan ýadygärlik sowgatlar hem-de sylaglar gowşurylar.
