Russiýanyň tebigy ylymlar akademiýasy "EkoMir-2026" Halkara ekologiýa baýragyna resminama kabul edip başlandygyny yglan etdi. Bu jemgyýetçilik baýragy daşky gurşawy goramak, ekologiýa howpsuzlygyny üpjün etmek we durnukly ösüşe ýardam edýän tebigaty goramak başlangyçlaryny amala aşyrmak ulgamynda gazanylan uly üstünlikler üçin gowşurylýar.
Bäsleşige gatnaşmaga Russiýanyň we daşary ýurtlaryň kompaniýalary, guramalary, döwlet düzümleriniň wekilleri, awtorlar toparlary, jemgyýetçilik işgärleri we ekologiýa taslamalaryny işläp düzüjiler çagyrylýar. Ýeňijiler bäsleşik arzalary we hödürlenen maksatnamalaryň hem-de çäreleriň amaly taýdan üstünlikli durmuşa geçirilenini subut edýän resminamalar esasynda kesgitlener.
Gatnaşmak üçin resminamalar 2026-njy ýylyň 15-nji dekabryna çenli kabul edilýär. Bäsleşik öňdebaryjy tejribäni ýüze çykarmaga we ekologiýa howpsuzlygy ulgamynda netijeli çözgütleri goldamaga gönükdirilendir.
Resminamalary kabul ediş işi Russiýanyň tebigy ylymlar akademiýasynyň resmi saýtynda amala aşyrylýar.
