Bu abraýly halkara baýragyň eýeleri bolmak geografiýanyň, ekologiýanyň we garyşyk ylymlaryň çygrynda ajaýyp üstünlikleriň hem ylmy barlaglaryň awtorlaryna, şeýle hem tebigy, taryhy we medeni mirasy gorap saklamaga, şeýle-de jemgyýetiň ösüşine uly goşant goşan toparlara we guramalara miýesser eder.
Şunlukda, 2026-njy ýylda hrustal we kümüş heýkeljikler 14-nji gezek gowşurylar. Soňky 13 ýylyň netijeleri boýunça dünýäniň 51 ýurdundan 5 müňe golaý awtorlar topary bu baýraga dalaşgär görkezildi.
Arzalaryň kabul ediş möwsümine gatnaşmaga ylym we bilim edaralary, döredijilik birleşmeleri, Russiýanyň hem-de beýleki ýurtlaryň degişli guramalary, dürli ugurlardaky kärhanalar, şeýle-de garaşsyz başlangyçlary hödürleýän toparlary, jemgyýetçilik işgärleri we şahsy taraplar çagyrylýar.
Ýeňijiler görkezilen ugurlarlar boýunça kesgitlener: «Ylmy üstünlikler», «Syýahat we ekspedisiýa», «Aň-bilim», «KHBS-däki iň gowy taslamasy, mediataslamasy», «Fotosurat işi», «Raýatlyk garaýyşlary», «Neşir», «Iň gowy sebit taslamasy», «Tebigy we taryhy-medeni mirasy gorap saklamak boýunça iň gowy durmuş-maglumat taslamasy», «Senagat kärhanalarynyň, biznesiň iň gowy ekologiýa taslamasy».
Arzalary milli baýragyň resmi saýty boýunça tabşyryp bilersiňiz. Arzalar 2026-njy ýylyň 10-njy fewralyna çenli kabul edilýär.