Türkmenistanyň Gurluşyk we binagärlik ministrligi Aşgabat şäheriniň Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetiniň 27-nji awgustdaky sanynda mälim edildi.
Bildirişde aýdylşy ýaly, gyzyklanma bildirýän taraplaryň bäsleşik teklipleri Gurluşyk we binagärlik ministrliginiň Bazary öwreniş we daşary ykdysady gatnaşyklar müdirliginde (Salgysy: Aşgabat şäheriniň Arçabil şaýolunyň 84-nji jaýy) bellenilen tertipde kabul edilýär hem-de resmileşdirilýär.
Degişli teklipler 2025-nji ýylyň 8-nji oktýabryna çenli kabul ediler.
«10 ýyl Abadançylyk», Arçabil we Atamyrat Nyýazow» şaýollary, galyberse-de, Oguzhan köçesi bilen kesişýän Ankara köçesi ozal «Ýubileýnyý» diýen at bilen tanalandygyny ýatladýarys.
