Florentino Peres 2030-njy ýyla çenli «Realyň» prezidenti bolup galar, bu barada Madridiň toparynyň resmi saýtynda habar berilýär.
Ýekşenbe güni geçirilen saýlawlarda ol Enrike Rikelmeden öňe geçmegi başardy. Peres sesleriň 65 göterimine (21 741 saýlawçy), Rikelme bolsa 35 göterimine (11 814 adam) eýe boldy.
79 ýaşly Florentino Peres 2009-njy ýyldan bäri Madridiň «Realyna» ýolbaşçylyk edýär. Mundan ozal ol 2000-2006-njy ýyllar aralygynda hem klubyň prezidenti bolupdy. Onuň ýolbaşçylygynda topar ýedi gezek Çempionlar ligasynyň, ýedi gezek Ispaniýanyň çempionatynyň we Superkubogynyň ýeňijisi boldy, şeýle hem üç gezek ýurduň kubogyny aldy.
Ozal Peresiň saýlawlarda ýeňiş gazanan ýagdaýynda Žoze Mourinýonyň «Realyň» tälimçisi bolup biljekdigi barada habar berlipdi. Şeýle-de gaýtadan saýlanan prezident «Liwerpuldan» Ibraima Konate we «Interden» Denzel Dumfris ýaly goragçylaryň düzüme goşuljakdygyny yglan etdi.
