«PETRONAS Çarigali (Türkmenistan) Sdn Bhd» kompaniýasy ökde hünärli dalaşgärlere garaşýar. Kompaniýa Aşgabat şäherinde işlemek üçin bölüm kömekçisi (kreditorlyk we debitorlyk bergisi boýunça) wezipesini hödürleýär. Bu barada «Türkmenistan» gazetinde çap edilen bildirişde aýdylýar.
Bildirilýän talaplar: dalaşgärler özleri barada doly maglumatlary we aşakdaky bentlere degişli resminamalary bermelidirler:
Bilimi: buhgalter hasaby we maliýe işi boýunça şahadatnamasy ýa-da deň derejeli resminamasy bolmaly.
Iş tejribesi: degişli pudakda 5 ýyl iş tejribesi bolmaly.
Dil ukyplary: türkmen, rus, iňlis dillerinde erkin gepläp we ýazyp bilmeli.
Endikleri we başarnyklary: «SAP» we «MS Office» programmalarynda işläp bilmeli.
Sowalnamalary «PETRONAS Çarigali (Türkmenistan) Sdn Bhd» kompaniýasynyň Aşgabat şäheriniň Beýik Saparmyrat Türkmenbaşy şaýolunyň 81-nji jaýynda ýerleşýän («B» blok) edara binasyndan alyp bilersiňiz.
Doldurylan sowalnamalar şu habaryň çap edilen gününden başlap, 2 (iki) hepdeden gijä galman «PÇ(T)SB» kompaniýasyna dalaşgäriň doly ady, familiýasy görkezilip tabşyrylmalydyr ýa-da recruitment.tm@petronas.com.my elektron salgysy boýunça ugradylyp bilner.
Diňe talaplara laýyk gelýän dalaşgärler söhbetdeşlige çagyrylar.
