Gyýanly obasynda işlemek üçin hünärmenler (ýataklaryň seljerilişi) işe çagyrylýar. Bu barada «Türkmenistan» gazetiniň şu günki sanynda (27.05.2026ý) habar berildi.
Dalaşgärler özleri baradaky doly maglumatlary we aşakdaky bentlere degişli resminamalary bermelidirler.
Bildirilýän talaplar:
Bilimi: islendik inženerçilik ugry boýunça ýokary bilimi bolmaly (himiki inženerçilik ýa-da nebiti we gazy gazyp almak tehnologiýasy ileri tutulýar).
Iş tejribesi: degişli pudakda 5 — 7 ýyl iş tejribesi bolmaly.
Dil ukyplary: türkmen, iňlis, rus dillerinde erkin gürläp we ýazyp bilmeli.
Endikleri we başarnyklary: «MS Office» programmasynda işläp bilmeli.
Sowalnamalary «PETRONAS Çarigali (Türkmenistan) Sdn Bhd» kompaniýasynyň Aşgabat şäheriniň Saparmyrat Türkmenbaşy şaýolunyň 81-nji jaýynda ýerleşýän («B» blok) edara binasyndan alyp bilersiňiz. Doldurylan sowalnamalar şu habaryň çap edilen gününden başlap, 2 hepdeden gijä galman «PÇ(T)SB» kompaniýasyna dalaşgäriň doly ady, familiýasy görkezilip tabşyrylmalydyr ýa-da recruitment.tm@petronas.com.my elektron salgysy boýunça ugradylyp bilner.
Diňe talaplara laýyk gelýän dalaşgärler söhbetdeşlige çagyrylar.
