Germaniýanyň Federatiw Respublikasynyň Türkmenistandaky ilçihanasy 2026-njy ýylyň awgust aýynyň başyndan işe başlamak şerti bilen gorag gullugynyň zenan işgäri (goragçy) wezipesine boş iş ornuny açýar.
Esasy wezipeleri:
Diplomatik wekilhananyň girişinde gelýänleri barlamak we giriş-çykyş düzgünini amala aşyrmak;
Ýörite gorag enjamlary bilen işlemek;
Nobatçylyk hyzmatlaryny ýerine ýetirmek, şol sanda gelýän hat-habarlary kabul etmek, barlamak we hasaba almak.
Dalaşgärlere bildirilýän talaplar:
Iňlis ýa-da nemes dillerini A2-den pes bolmadyk derejede bilmek (nemes dilini erkin bilýänler ileri tutular);
Berk fiziki saglygy, ýokary stres durnuklylygy we ozalky iş ýerlerindäki abraýy;
Ygtybarlylyk, gizlinligi berk saklamak, sypaýylyk hem tutanýerlilik, tertipli daşky görnüş;
Gorag ýa-da howpsuzlyk pudagynda iş tejribesiniň bolmagyna aýratyn orun berler.
Iş şertleri:
Iş tertibi: Doly iş güni (hepdede 40 sagat, duşenbe — anna günleri aralygynda);
Zähmet haky: Ilçihananyň düzüm tertibine laýyklykda, her aýda berilýän zähmet haky.
Görkezilen talaplara laýyk gelýän dalaşgärler resminamalar toplumyny 2026-njy ýylyň 24-nji iýulyna çenli ugratmalydyrlar.
Gerekli resminamalar:
Suratly gysgaça terjimehal (pasport ölçegindäki surat bilen);
Motoperasiýa haty (gyzyklanma beýany — nemes ýa-da iňlis dilinde düzülen);
Bilimi baradaky ýa-da hünär ýokarlandyryş kurslaryny geçendigi hakyndaky resminamalar;
Öňki iş ýerlerinden häsiýetnamalar we maslahat hatlary (bar bolsa).
Möhüm: Resminamalaryň doly toplumy diňe elektron görnüşde (PDF formatynda, göwrümi 8 MB-dan uly bolmadyk) info@aschgabat.diplo.de elektron poçta adresinde kabul edilýär. Doly bolmadyk ýagdaýda tabşyrylan arzalara seredilmez.
