Hindistanyň Türkmenistandaky ilçihanasy Aşgabadyň ýaşaýjylaryny, paýtagtyň myhmanlaryny we hindi diasporasynyň wekillerini 12-nji Halkara ýoga gününiň baýram edilmegi mynasybetli geçirilýän çärä gatnaşmaga çagyrýar. Giň gerimli çäre 21-nji iýunda ýekşenbe güni «Bagtyýarlyk» sport toplumynda geçiriler.
Maksatnama irden sagat 7:30-da başlanar. Guramaçylar gatnaşyjylaryň sport lybaslarynda (dress-kod) bolmagynyň zerurdygyna ünsi çekýärler.
2026-njy ýylyň Halkara ýoga gününiň şygary — «Saglyk we uzak ömür üçin ýoga». Bu şygar gadymy tejribäniň hemişelik ýaşaýyş güýjüni we içki sazlaşygy saklamaga kömek edýändigini ýatladýar.
Habarlaşmak üçin telefon: +99312 456152
