Pakistanyň ilçihanasy terjimeçi / protokol boýunça kömekçi wezipesi üçin boş iş ornunyň bardygyny yglan etdi. Dalaşgärler bakalawr derejesine eýe bolmalydyr. Halkara gatnaşyklary, syýasy ylymlar, jemgyýet bilen aragatnaşyk, iňlis dili ýa-da şuňa meňzeş hünär ugurlary boýunça ýokary bilimli dalaşgärlere artykmaçlyk berilýär.
Iňlis dilinden rus diline we rus dilinden iňlis diline terjime etmek boýunça şahadatnamanyň ýa-da diplomyň bolmagy artykmaçlyk hökmünde göz öňünde tutulýar.
Iş tejribesi: Ýazuw we dilden terjime ugurlarynda azyndan 3 ýyl bolmaly, diplomatik ýa-da halkara guramasynda işlemek boýunça toplanan tejribe bolsa uly artykmaçlyk hasaplanýar.
Dil: Dalaşgär iňlis, türkmen we rus dillerinde erkin gepleşip bilmelidir (okamak, ýazmak hem-de dilde gepleşmek).
Professional bilimi: Kabul ediljek işgäriň ýurduň protokol düzgünlerini doly bilmegi, şeýle hem döwletiň umumy ykrar edilen ýörelgeleri we jemgyýetçilik gymmatlyklary bilen tanyş bolmagy talap edilýär.
Nädip arza bermeli: Gyzyklanma bildirýän taraplar öz rezýumesini Pakistanyň ilçihanasyna ýollap biler.
Ilçihananyň salgysy: Aşgabat şäheri, Garaşsyzlyk köçesi, 4/1.
Telefon: (4993-12) 48-21-31
Elektron poçta: Ashgabat1947@proton.me.
