20-nji oktýabrda Türkmenistanyň Birleşen Arap Emirliklerindäki täze bellenen ilçisi Baýram Baýramow BAE-niň daşary işler ministriniň orunbasary Omar Obaid Alheýsan Alşamsä ynanç hatlarynyň nusgalaryny gowşurdy.
Duşuşykda syýasy, söwda-ykdysady, energetika, ynsanperwer we beýleki bilelikde gyzyklanma bildirilýän ulgamlarda türkmen-emirlik hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy.
Taraplaryň duşuşygy dostlukly we guramaçylykly ýagdaýda geçdi we Türkmenistan bilen Birleşen Arap Emirlikleriniň arasyndaky däp bolan dostluk hem hyzmatdaşlyk ruhuny şöhlelendirdi.
