Şu gün — 8-nji oktýabrda Täjigistan Respublikasynyň Prezidenti Emomali Rahmon Türkmenistanyň Garaşsyz Döwletleriň Arkalaşygyna başlyklyk etmeginiň çäklerinde geçirilýän çärelere gatnaşmak üçin Türkmenistana geldi. Bu barada ýurdumyzyň daşary syýasat edarasynyň resmi saýtynda habar berildi.
Täjigistan Respublikasynyň Prezidenti «Awaza» milli syýahatçylyk zolagynda Arkalaşyga agza döwletleriň özara hyzmatdaşlygynyň möhüm meselelerine bagyşlanan ýokary derejeli çärelere gatnaşar.
