31-nji ýanwarda Tokio şäheriniň Milli sungat merkezinde «Çäksiz sungat» atly mekdep okuwçylarynyň surat sergisine gatnaşyjylara minnetdarlyk hatlaryny gowşurmak dabarasy geçirildi.
Agzalan dabara Ýaponiýada akkreditirlenen döwletleriň ilçihanalarynyň wekilleri, «Ýaponiýa — Ýewraziýa» jemgyýetiniň, «SUMI» halkara assosiasiýasynyň ýolbaşçylary, görnükli sungat işgärleri we myhmanlar gatnaşdylar.
«Çäksiz sungat» atly mekdep okuwçylarynyň sergisi 22-nji ýanwardan 1-nji fewrala çenli «Ýaponiýa — Ýewraziýa» jemgyýetiniň we «SUMI» halkara assosiasiýasynyň bilelikde guramagynda geçirildi. Sergä ýurdumyzyň zehinli ýaşlarynyň 26-sy gatnaşyp, olaryň çeken suratlary gözden geçirilişiň çäklerinde döredilen Türkmenistanyň diwarlygynda ýerleşdirildi.
Ýokarda görkezilen dabaranyň jemleri boýunça ýurdumyzdan sergä gatnaşan ähli mekdep okuwçylaryna minnetdarlyk hatlary gowşuryldy.
