«Real» futbol kluby merkezi goragçy Ibraima Konate bilen şertnama baglaşdy. Bu barada klubyň metbugat gullugy habar berýär. Oýunçy bilen baglaşylan ylalaşyk 2030-njy ýylyň 30-njy iýunyna çenli niýetlenendir. Futbolçy täze toparyna erkin agent hökmünde goşuldy.
Konate 27 ýaşynda bolup, ol 2021-nji ýyldan bäri Angliýanyň «Liwerpul» toparynda çykyş edip gelýärdi. Ol bu toparyň düzüminde 183 duşuşyk geçirip, 7 gol we 4 netijeli pas bilen tapawutlandy. Fransuz goragçysy «mersisaýdlylaryň» düzüminde Angliýanyň çempionlygyny (2025), iki gezek Angliýanyň ligasynyň kubogyny (2022, 2024), şeýle-de bir gezek ýurduň kubogyny (2022) we superkubogyny (2022) gazandy. Mundan başga-da, goragçy Germaniýanyň «Leýpsig» we Fransiýanyň «Soşo» toparlarynda hem çykyş etdi.
Konate Fransiýanyň milli ýygyndysynyň düzüminde 2022-nji ýylyň dünýä çempionatynda kümüş medalyň we 2024-nji ýylyň Ýewropa çempionatynda bürünç medalyň eýesi boldy. Futbolçy häzirki wagtda dowam edýän Dünýä çempionaty - 2026-da hem Fransiýanyň ýygyndysynyň sanawyna wekilçilik edýär, ýöne ol toparyň dörtýyllygyň futbol baýramyndaky ilkinji duşuşygynda ätiýaçda oturdy.
