Türkiýäniň Antalýa şäherinde tamamlanan aşihara-karate boýunça dünýä çempionatynda Türkmenistanyň milli ýygyndy topary uly üstünlik gazandy. Türgenlerimiz ýokary bäsdeşlik şertlerinde geçen ýaryşda baýrakly orunlaryň 14-sini gazandylar: 2 altyn, 4 kümüş we 8 bürünç medal.
Halkara aşihara-karate guramasynyň (AIKO) howandarlygynda geçirilen abraýly ýaryş dünýäniň 20 ýurdundan iň güýçli türgenleriň 900-e golaýyny bir ýere jemledi. Bäsleşikler üç ugur — kata, sport kumite we full-kontakt (kiwami-kumite) boýunça geçirildi. Ýaryş gatnaşyjylaryň ýaş derejesiniň giňligi bilen tapawutlandy: tatamide 8 ýaşly türgenlerden başlap, uly ýaşly tejribeli türgenlere çenli derejelerde özara güýç synanyşyldy.
Türkmenistanyň ýygyndy toparyndan baýrakly orny eýelän türgenler:
Altyn medal:
Rejepmyrat Akmyradow — 85 kg çenli;
Gülnabat Ýazylowa — kiwami-kumite, 60 kg çenli.
Kümüş medal:
Joşgun Täçmedow — 75 kg çenli;
Jemşit Orazow — 80 kg çenli;
Serhet Haýtekow — 95 kg çenli;
Umyt Artykow — kiwami-kumite, 65 kg çenli.
Bürünç medal:
Gülnabat Ýazylowa — 65 kg çenli;
Begenç Gurbangeldiýew — 45 kg çenli;
Allamyrat Gurbanow — 95 kg-dan ýokary;
Merdan Akýabow — 60 kg çenli;
Umyt Artykow — 65 kg çenli;
Yhlas Çaryýew — iki ugur boýunça iki bürünç medal, 70 kg çenli;
Farhat Jumaýew — 85 kg-dan ýokary.
Türkmen türgenleriniň halkara derejesindäki üstünligi ýurdumyzda sportuň ösdürilmegi ugrunda alnyp barylýan işleriň oňyn netijelere beslenýändiginiň subutnamasydyr.
