Aşgabat şäherinde ýurdumyzyň Naýbaşy futzal ligasynyň 11-nji tapgyrynyň duşuşyklary bilen ýaryşyň üçünji aýlawyna badalga berildi.
Bu tapgyryň merkezi duşuşygynda ýaryş tertibiniň öňbaşçysy «Köpetdag» topary «TNGIZT» toparyny 9:3 hasabynda ýeňlişe sezewar etdi. «Deňizçi» topary «Ahal» bilen 0:0 hasabynda deňme-deň oýnady. «Senagatbank» topary «Migrasiýadan» üstün çykdy - 2:1.
Şeýlelikde, geçirilen duşuşyklarda 27 utuk toplan «Köpetdag» topary birinji orny eýelemegini dowam edýär. Ikinji orunda «Ahal» (18), üçünji orunda bolsa «Deňizçi» (17) topary ornaşdy.
Ýurdumyzyň Naýbaşy futzal ligasynda baş baýrak ugrunda alty toparyň («Köpetdag», «Senagatbank», «Migrasiýa» – hemmesi Aşgabat şäheri, «Ahal» – Ahal welaýaty, «Deňizçi», «TNGIZT» – ikisi-de Balkan welaýaty) bäsleşýändigini ýatladýarys.
11-nji tapgyryň netijeleri:
«Deňizçi» – «Ahal» – 0:0
«Köpetdag» – TNGIZT – 9:3
«Migrasiýa» – «Senagatbank» – 1:2.
Naýbaşy futzal ligasynyň 12-nji tapgyrynyň duşuşyklary 4-nji sentýabrda geçiriler: «TNGIZT» – «Migrasiýa», «Ahal» – «Senagatbank», «Deňizçi» – «Köpetdag».
Naýbaşy futtzal ligasynyň 11-nji, 12-nji hem-de 13-nji tapgyrlarynyň duşuşyklarynyň paýtagtymyzdaky Türkmen döwlet bedenterbiýe we sport institutynyň sport toplumynda geçirilýändigini ýatladýarys.
