Beýik Britaniýanyň hökümetiniň abraýly «Chevening» talyp haky üçin arzalar kabul edilip başlandy.
Bu programma ýaş liderlere Beýik Britaniýanyň öňdebaryjy uniwersitetleriniň birinde bir ýyllyk magistr derejesini doly maliýe goldawy bilen almak mümkinçiligini berýär.
«Chevening» talyp haky diňe bir ýokary hilli bilim almak bilen çäklenmän, eýsem, professional «hard» endikleriňi, şeýle hem liderlik, aragatnaşyk we halkara gurşawda işlemek ýaly «soft» ukyplaryňy hem ösdürmäge mümkinçilik berýär. Bir ýyllyk okuw döwründe programma gatnaşyjylar öz ýurtlarynda wajyp meseleleri çözmekde peýdaly boljak gymmatly tejribeleri toplamak bilen, berk aragatnaşyklary dörederler we aýratyn akademiki hem-de medeni gurşawa çümerler.
Arza tabşyrmak üçin soňky möhlet — 2025-nji ýylyň 7-nji oktýabry. Muny «chevening.org» resmi saýty arkaly amala aşyrmak bolýar. Bu diňe bir hünär derejesini ýokarlandyrmak mümkinçiligi bolman, eýsem, dünýäni has gowy tarapa üýtgetmäge taýyn bolan global liderler jemgyýetiniň bir bölegine öwrülmek üçin hem ajaýyp pursatdyr.
