2026-njy ýylda «SLB» (öň «Schlumberger» diýlip tanalýardy) dünýä derejesinde alyp barýan işiniň 100 ýyllygyny belleýär. Kompaniýa 1926-njy ýylyň 1-nji iýulynda Pariž şäherinde döredilip, şondan bäri innowasiýalaryň we tehnologiýalaryň öňdebaryjylarynyň birine öwrüldi hem-de energetika pudagynyň ösüşine dünýä boýunça öz goşandyny goşdy. 100 ýyllyk sepgit diňe bir kompaniýanyň üstünlikleriniň däl, eýsem, işgärleriniň uly tejribesiniň, ussatlygynyň we ygrarlylygynyň netijesidir.
«SLB» häzirki wagtda tehnologiýalara goýýan maýa goýumlary bilen bir hatarda adamlara hem yzygiderli maýa goýýar — dünýä derejesindäki standartlara laýyklykda inženerleri, hünärmenleri , tehnikleri we mehanikleri taýýarlap, başarnyklary ösdürýär. Soňky 20 ýylyň dowamynda «SLB» Türkmenistanda energetika pudagynyň ösüşini goldap geldi: öňdebaryjy tehnologiýalara esaslanýan hyzmatlary ýerine ýetirdi we müşderiler bilen uzak möhletli hyzmatdaşlygy ösdürdi. Ol ýurduň içinde yzygiderli maýa goýýar — himiki serişdeler üçin ammarlar, häzirki zaman barlaghanalar, ussahanalar we enjamlar ýaly infrastruktura hem-de önümçilik mümkinçiliklerini ösdürmek bilen bir hatarda, ýerli işgärleriň taýýarlygyny hem güýçlendirýär. Bu döwürde «SLB» 400-den gowrak ýerli işgäri taýýarlady, uzak möhletli mümkinçilikleri berkitdi we iň gowy tejribeleriň geçirilmegine ýardam etdi.
«SLB» Türkmenistanda häzirki zaman buraw tehnologiýalaryny ornaşdyrdy we üstünlikli ulanýar. Olara «Stethoscope» (buraw wagtynda plast basyşyny ölçemek) we «PowerDrive Vortex» dolandyrylýan rotary ulgam girýär. Bu çözgütler buraw işlerinde çylşyrymly geologik şertler bilen bagly kynçylyklary çözmäge kömek edýär.
Mundan başga-da, «SLB» taslamalarynda guýuda gum peýda bolmagyny dolandyrmak boýunça toplumlaýyn hyzmatlary eýýäm üpjün edýär we üstünlikli ornaşdyrdy. Bu çözgütler gumuň çykmagynyň öňüni almaga hem-de guýularyň ygtybarly, howpsuz we durnukly işlemegini üpjün etmäge gönükdirilendir. Olar gum gözegçiligi boýunça dizaýn we saýlawy, ornaşdyrmak boýunça goldawy, gum gözegçilikli guýy tamamlamalary, filtrasiýa esasly çözgütleri, çagyl doldurma amaly amallaryny, ygtybarly guýy içi enjamlary, şeýle hem öndürijiligi üçin gözegçilik we dowamly hyzmat goldawyny öz içine alýar.
«SLB» Türkmenistan bilen uzak möhletli hyzmatdaşlygymyzy mundan beýläk-de berkider we ösdürmegi dowam etdirer, energiýa pudagyny howpsuz, ygtybarly hem tygşytly çözgütler bilen goldar.
