Moskwada ýerleşýän Russiýanyň halklaryň dostlugy uniwersitetinde «Russiýa Federasiýasynda ýylyň daşary ýurtly talyby» atly Bütinrussiýa baýragynyň gowşurylyş dabarasy geçirildi.
Baýrak talyp durmuşynyň ähli taraplaryny öz içine alýan möhüm ugurlaryň 8-si boýunça gowşuryldy.
Baýragyň iň agyr we iň intellektual ugry hasaplanýan «Ýylyň ylmy açyşy» derejesinde Demirgazyk Kawkaz Federal uniwersitetiniň awtomatlaşdyrylan elektroenergetika ulgamlary we energiýa üpjünçiligi kafedrasynda okaýan türkmenistanly ýigit Igor Ýermolaýewa taý gelen tapylmady. Ol nebitiň we gazyň inženerçiligi fakultetiniň talybydyr.
Ýermolaýew ilkinji kursundan bäri tapawutly netijeleri görkezýär: okuwynyň ilkinji günlerinden ylma ýokary gyzyklanma bildirýän talyp hökmünde tanalýar. Mundan başga-da, ýaş talyp birnäçe ylmy maslahatlara işjeň gatnaşdy, şeýle hem startap bäsleşiginiň ýeňijileriniň sanawyna giren taslamasy bilen özüni görkezdi.
