Geçen agşam Udinede (Italiýa) UEFA-nyň Superkubogy ugrundaky duşuşyk geçirildi. Bütin dünýäniň üns merkezinden ornuny tapan oýunda Fransiýanyň «PSŽ» kluby Angliýanyň «Tottenhemini» ahmyrda goýdy.
Duşuşygyň esasy wagty deňlikde tamamlandy — 2:2. «Tottenhemden» Miki wan de Wen hem-de Kristian Romero tapawutlansa, Parižiň klubunyň gollaryna Li Kan In we Gonsalu Ramoş awtorlyk etdi.
Şunlukda, Superkubogyň eýesini 11 metrlik urgularyň netijesi kesgitledi. Şol urgularyň esasynda «PSŽ» UEFA-nyň Superkubogyny galdyrmak hukugyna eýe boldy — 4:3.
Fransuz kluby taryhda ilkinji gezek UEFA-nyň Superkubogyny gazandy.
Ýewropanyň Superkubogy. 2025. Final
«PSŽ» (Pariž) — «Tottenhem Hotspur» (London) — 2:2 (0:1)
Gollar: Li Kan-In, 85. Ramuş, 90. — wan de Wen, 39. Romero, 48.
