29-njy awgustda ýurdumyzyň medeni durmuşy ähmiýetli waka — Türkmenistanyň öňdebaryjy teatr toparlarynyň täze döredijilik möwsüminiň resmi açylyşy bilen dabaralanar. Öňümizdäki teatr senenamasynyň has-da çuň mazmunly, täsirli we giň göwrümli medeni wakalara baý bolmagyna garaşylýar.
Häzirki wagtda — režissýorlar toparlarynyň, aktýorlaryň we suratkeşleriň ýylyň esasy premýeralarynyň üstünde yhlasly işleýän günlerinde ilkinji bolup sahnada wagtyň synagyndan geçen we tomaşaçylaryň birnäçe nesliniň söýgüsini gazanan oýunlar görkeziler.
Täze möwsümde tomaşaçylara türkmen we dünýä edebiýatynyň nusgawy eserleriniň täzeçe janlandyrylan sahnalary, şeýle-de häzirki zaman pýesalary garaşýar.
Möwsümiň açylyşy — bu hemişe sahnanyň hakyky muşdaklaryny birleşdirýän sungat baýramydyr. Teatrlar öz gapylaryny ýene-de giňden açyp, tomaşaçylara unudylmajak duýgulary peşgeş bermäge hem-de olary dramaturgiýanyň we ýokary ýerine ýetirijilik ussatlygynyň täsin dünýäsine atarmaga taýýarlanýarlar.
Türkmenistanyň Beýik Saparmyrat Türkmenbaşy adyndaky baş akademiki drama teatry:
29.08.2026: «Ömür daragty» — 19:00;
30.08.2026: «Ak at» — 19:00.
Alp Arslan adyndaky milli drama teatry:
29.08.2026: «Söýgi duralgasy» — 19:00;
30.08.2026: «Gyzyl alma» — 19:00.
A.S.Puşkin adyndaky döwlet rus drama teatry:
29.08.2026: «Дюймовочка» (Barmakgyz) — 12:00;
29.08.2026: «Мать» (Ene) — 19:00;
30.08.2026: «Три поросёнка и серый волк» (Üç jojuk we çal böri) — 11:00; 13:00;
30.08.2026: «Счастье туркмен» (Türkmeniň bagty) — 19:00.
Türkmen döwlet gurjak teatry:
29.08.2026: «Asmandan inen ykbal» — 17:00;
30.08.2026: «Asmandan inen ykbal» — 19:00.
