Ýokary ligada 15-nji tapgyryň jemleýji duşuşygy geçirilip, onda «Altyn Asyr» «Aşgabady» kabul etdi.
«Altyn Asyryň» düzüminden Abdyrahman Annamyradow 4-nji minutda hasaby açdy. 47-nji minutda bolsa Süleýman Muhadow artykmaçlygy 2 gola ýetirdi. Myhmanlaryň ýeke-täk goluny 11 metrlik urgudan Begmyrat Baýow 53-nji minutda geçirdi. (2:1)
Şeýlelikde, «aragatnaşykçylaryň» bu ýeňşi toparyň Ýokary liganyň ýaryş tertibinde 3-nji basgançaga çykmagyna ýardam etdi. Bu sanawda «Altyn Asyr» bilen «Şagadam» toparlary 28 utuk bilen 3-nji orny paýlaşýarlar. «Aşgabat» 11 utugy bilen altynjy basgançakda ýerleşýär.
