Türkmenistanyň Maýa goýum forumynyň (TIF 2025) guramaçylyk komiteti bu ähmiýetli çäräniň geçiriljek ýeriniň üýtgedilendigini — onuň «Awaza» milli syýahatçylyk zolagyndaky döwrebap Kongressler merkezinde ýaýbaňlandyryljakdygyny yglan etdi. Bu çözgüt gatnaşyjylara işjeň işewürlik maksatnamasyny Hazar deňziniň kenaryndaky gözel künjekdäki dynç alyş bilen utgaşdyrmaga mümkinçilik döredýär. Munuň özi deňiz howasynyň iň täsirli hem mylaýym möwsüminde netijeli işlemek we resmi däl ýagdaýda aragatnaşyk gurmak üçin ähli şertleri üpjün eder.
Halkara delegatlaryň iň ýokary derejedäki rahatlygyny üpjün etmek maksady bilen, guramaçylar aýratyn ýeňillikleri hödürleýärler:
Ýörite gatnawlar:
Aşgabat – Türkmenbaşy (Awaza): 17-nji sentýabr, 17:00
Türkmenbaşy (Awaza) – Aşgabat: 19-njy sentýabr, 22:00
Transfer: Döwrebap, ykjam we amatly awtobuslar arkaly eltip bermek hyzmaty.
Ýerleşme: «Berkarar» we «Hazyna» myhmanhanalaryny hem goşmak bilen, dynç alyş zolagynyň iň ýokary derejedäki myhmanhanalarynda ýerleşdirmek.
Guramaçylar TIF 2025-iň işewürlik hem hyzmatdaşlyk aragatnaşyklaryny pugtalandyrmak üçin aýratyn atmosfera döretmekde täze meýdança hökmünde möhüm wezipäni ýerine ýetirjekdigine ynanýarlar.
Foruma bellige aldyrmagyň möhleti 2025-nji ýylyň 10-njy sentýabryna çenli uzaldyldy.
