Türkiýe Respublikasynda tölegsiz okap bolýandygyny bilýärdiňizmi?
Köpleriň bu barada asla pikirlenmedik bolmagy hem mümkin. Muňa garamazdan, Türkiýe eýýäm köp ýyldan bäri dünýäniň öňdebaryjy bilim maksatnamalarynyň birini — «Türkiye Bursları» taslamasyny amala aşyryp gelýär.
Bu döwlet mümkinçiligi bolup, onuň üsti bilen daşary ýurtly talyplar Türkiýäniň uniwersitetlerinde tölegsiz esasda ýokary bilim alyp bilýärler.
Maksatnama nämeler girýär:
— Tölegsiz okuw
— Umumy ýaşaýyş jaýynda tölegsiz ýaşamak
— Tölegsiz lukmançylyk hyzmaty we döwlet ätiýaçlandyrmasy
— Tölegsiz türk dili kurslary (TÖMER)
— Türkiýä gidip-gelmek üçin uçar petegi
— Her aý berilýän talyp haky
Höwes bildirilýän ugurlar — şu günüň iň islegli hünärleri:
Lukmançylyk
Genetika, bioinženeriýa, lukmançylyk we saglygy goraýyş
Programmirleme, IT, kiberhowpsuzlyk, kompýuter inženeriýasy
Inženerçilik: gurluşyk, energetika, biolukmançylyk, deňizçilik, awiasiýa, mehatronika ugurlary
Ykdysadyýet, psihologiýa, halkara gatnaşyklary we başga-da onlarça hünärler.
Bulary unutmaň:
«Türkiye Bursları» — bu bäsleşik esasyndaky maksatnama.
Okuw mümkinçiligini saýlawyň netijeleri boýunça iň gowy dalaşgärler eýeleýärler: okuw bahalary, höweslendiriş (motiwasiýa) we okuw ugruna laýyklyk göz öňünde tutulýar.
Her ýyl 170-den gowrak ýurtdan müňlerçe talyp bu maksatnamanyň gatnaşyjysy bolýar.
Eger, siz eýýäm daşary ýurtda bilim almak barada oýlanýan bolsaňyz — bu garaşan mümkinçiligiňiz bolup biler. Şertleriň size laýyk gelýändigini göz ýetiriň we öňe tarap hereket ediň!
