«Toyota» kompaniýasy 2026-njy ýyldaky «Tundradan» soň, «Sequoia SUV» awtoulagynyň geljek model ýyly üçin täzelenen nusgasyny hödürledi. Bu çarçuwaly ulag rahatlykda we baha babatda ozalkylardan tapawutlanýar.
Daşky görnüşindäki düýpli üýtgeşmeler «Sequoia TRD Pro» nusgasyna mahsus täze «Wave Maker» reňkini öz içine alýar. Ulagyň salonynda bolsa has-da göze görnüp duran üýtgeşmeler bar: häzirki bezeg derejeleriniň hemmesinde elektrik mümkinçilikli üçünji hatar eplenýän oturgyçlar bolar. «Limited» nusgasy hakyky deriniň peýdasyna «SofTex» abzallaryny saklaýar (ak çyzykly gara ýa-da gara geçýän çal).
Iň ýokary derejedäki «Capstone» nusgasy täze interýer reňki, dokma öwüşginleri bilen tapawutlanýan oturgyçlary, goňur goýmalary we «Capstone» logotiplerini alýar. Çal reňkli hoz bezegi öňki goňur nusgany çalyşýar.
«Toyota Sequoia 2026» diňe bir güýç gurluşy bilen üpjün edilendir — 3,4 litrlik iki turbo görnüşli V6 esasly gibrid, kuwwaty 1,87 kWt we çekiş batareýasy, şeýle hem integral elektrik hereketlendirijisi bilen 10 tizlikli awtomatiki geçiriş. Ulgamyň umumy kuwwaty — 443 at güýji. Mundan başga-da, yzky tigirleri hereket edýän hem-de we ähli tekerleri işleýän nusgalar bar.
Başlangyç bahalar 1600 dollar gymmatlady we 64025 dollara ýetdi. «Capstone» atly iň ýokary nusganyň bahasyna 520 dollar goşuldy we indi onuň nyrhy 84435 dollardan başlanýar.