Türkmenistanyň Söwda-senagat edarasy «TMT Consulting Group» kompaniýasynyň goldaw bermeginde 2026-njy ýylyň 6–7-nji noýabrynda Şanhaý şäherinde (HHR) 9-njy Hytaý halkara import sergisiniň (CIIE) çäklerinde Türkmen-hytaý işewürlik forumyny geçirer. Bu başlangyç Türkmenistanyň we Hytaýyň wekilleriniň arasynda täze işewür gatnaşyklary ýola goýmaga, hyzmatdaşlygyň geljegi uly ugurlaryny ara alyp maslahatlaşmaga hem-de bilelikdäki taslamalary taýýarlamaga gönükdirilendir.
Forumyň maksatnamasynda gatnaşyjylara tematik mejlisler, hyzmatdaşlygyň geljegi uly ugurlarynyň tanyşdyrylyşlary, işewür duşuşyklar we üç görnüşdäki gepleşikler garaşýar:
G2G — döwlet edaralarynyň arasyndaky özara gatnaşyklar;
B2G — telekeçilik düzümleriniň döwlet edaralary bilen duşuşyklary;
B2B — kompaniýalaryň we telekeçileriň arasyndaky göni gepleşikler;
Hytaýyň öňdebaryjy kompaniýalarynyň edaralaryna we önümçilik meýdançalaryna baryp görmek.
Kimler gatnaşyp biler?
Foruma gatnaşmaga işewür gatnaşyklary ösdürmäge, hyzmatdaşlary gözlemäge we bilelikdäki taslamalary durmuşa geçirmäge gyzyklanma bildirýän Türkmenistanyň hem-de Hytaýyň döwlet edaralarynyň, kompaniýalarynyň we telekeçilik jemgyýetçiliginiň wekilleri çagyrylýar.
Aşakdaky pudaklaryň wekillerine aýratyn üns berler:
ikitaraplaýyn söwda we daşary ykdysady iş;
senagat we senagat kooperasiýasy;
oba hojalygy we gaýtadan işleýän senagat;
döwrebap tehnologiýalar we sanlaşdyrma;
ulag we logistika;
üstaşyr (tranzit) kuwwatlylygy;
ynsanperwer hyzmatdaşlyk.
Gatnaşmak üçin öňünden bellige alynmagyňyz (registrasiýa) hökmanydyr.
Gatnaşmak we bellige alynmak meseleleri boýunça:
Tel.: +993 12 75 36 44 / 48; +993 64 04 27 51
E-poçta: ogulbagt.hydyrova@tmt.tm
