Türkmenistanyň milli ýygyndysynyň türgenleri Italiýanyň Jesolo şäherinde Bütindünýä kikboksing guramalarynyň assosiasiýasynyň (WAKO-nyň) gurnamagynda geçirilýän «Italian Kickboxing World Cup 2026» ýaryşynda şowly çykyş edýärler. Ýaryşa 47 döwletden 4 müňe golaý türgenler gatnaşýar.
10-njy martda badalga alan ýaryşyň ilkinji günleriniň netijeleri boýunça Aleksandr Snagowskiniň ýolbaşçylygyndaky türkmen türgenleri umumylykda 17 medal gazanmagy başardylar. Ildeşlerimiziň görkezen ýokary ussatlygy netijesinde milli ýygyndymyzyň medallar gaznasyna 6 altyn, 7 kümüş we 4 bürünç medal goşuldy.
Hormat münberiniň iň ýokary basgançagyna çykyp, altyn medala mynasyp bolan türgenlerimiz:
Atajan Atamuradow — 57 kg (Low kick)
Hydyr Matiýew — 63.5 kg (Full contact, 2008–2009 ý.)
Gündogdy Döwletgeldiýew — 54 kg (Low kick, 2010–2011 ý.)
Şageldi Musaýew — 54 kg (Low kick, 2008–2009 ý.)
Hajymyrat Geldimämmedow — 86 kg (Full contact)
Rasul Rustamow — 51 kg (K-1, 2008–2009 ý.)
Ýaryşda ýokary taýýarlygyny görkezip, kümüş medallaryň eýesi bolan türgenler:
Eziz Meredow — 51 kg (Low kick)
Ýazberdiýew Ýazberdi — 54 kg (Full contact)
Pygy Silabow — 57 kg (Full contact)
Akmyrat Akyýew — 75 kg (Full contact)
Ýalkap Aşyrmyradow — 63.5 kg (Full contact)
Bezirgen Babaýew — 54 kg (2010–2011 ý.)
Omar Myratlyýew — 57 kg (Low kick, 2010–2011 ý.)
Şeýle-de ýiti bäsdeşlikde tapawutlanyp, bürünç medallary şu türgenlerimiz gazandylar:
Selimberdi Babaýew — 54 kg
Mekan Murrukow — 54 kg
Rahymberdi Mammetgeldiýew — 63.5 kg (Low kick)
Mekan Begmämmedow — 67 kg (Full contact)
Italiýada geçirilýän bu abraýly Dünýä kubogy 15-nji marta çenli dowam eder. Milli ýygyndymyzyň agzalaryna ýene-de birnäçe jogapkärli tutluşyklar garaşýar.
