Moskwada 1941—1945-nji ýyllaryň Beýik Watançylyk urşunda gazanylan Ýeňşiň 80 ýyllygyna, Türkmenistanyň Bitaraplygynyň 30 ýyllygyna we BMG-niň 80 ýyllygyna bagyşlanan Nury Halmämmedow adyndaky IX halkara sungat festiwaly tamamlandy.
Şu ýyl bu abraýly forum Türkmenistandan, Russiýadan, Hytaýdan, Özbegistandan we Gwatemaladan ýüzden gowrak ýüztutmany jemläp, öz maksatnamasynda dünýäniň nusgawy we türkmen kompozitorlarynyň ölmez-ýitmez eserlerini hödürledi.
Bäsleşikde türkmen wokalçylary — Balkan welaýatyndan Aýlar Arnageldiýewa hem-de Lebap welaýatyndan Selbi Imamowa ajaýyp netije görkezip, I derejeli baýrak eýesi adyna mynasyp boldular.
Ýaş ýerine ýetirijileriň bu üstünligi milli wokal mekdebiniň ösüşiniň ýokary derejesini we medeni mirasy gorap saklamak boýunça döwlet syýasatynyň netijeliligini tassyklaýar.