«Turkish Airlines» awiakompaniýasy şu ýylyň 29-njy martyndan Aşgabat – Stambul – Aşgabat ugry boýunça gatnawlaryň sanyny hepdede 17-ä çenli artdyrýar.
Uçuş tertibiniň giňeldilmegi ulag elýeterliligini ýokarlandyrmaga we ýolagçylara uçuş wagtyny saýlamakda has amatly (çeýe) mümkinçilikleri hödürlemäge ýardam eder.
Täzelenen tertibe laýyklykda, her günki gatnawlar aşakdaky tertipde amala aşyrylar:
Stambuldan uçuş sagat 20:15-de, Aşgabada gelmek sagat 01:55-de;
Aşgabatdan yzyna ugramak sagat 03:15-de, Stambula gelmek 05:30-da;
Stambuldan goşmaça her günki gatnaw sagat 01:10-da, Aşgabada gelmek 06:50-de;
Aşgabatdan ugramak sagat 08:10-da, Stambula gelmek 10:25-de.
Mundan başga-da, hepdäniň aýry-aýry günlerinde (sişenbe, anna we ýekşenbe) goşmaça gatnawlar göz öňünde tutulan:
Stambuldan ugramak sagat 14:15-de, Aşgabada gelmek 19:50-de;
Aşgabatdan yzyna ugramak sagat 21:10-da, Stambula gelmek 23:25-de.
Täze uçuş tertibi 2026-njy ýylyň 25-nji oktýabryna çenli hereket eder.
