«Türkmenistan» awiakompaniýasynyň resmi saýtynda 25-nji iýuldan soňky içerki awiagatnawlaryň tertibi ildeşlerimize ýetirildi.
Täze tertibe laýyklykda, has işjeň howa ugry hepdäniň günleri bilen baglylykda, gije-gündiziň dowamynda ýedi uçuşa çenli amala aşyryljak Aşgabat – Daşoguz gatnawy boýunça meýilleşdirilýär.
Awiakompaniýa Aşgabat – Türkmenabat ugrunda gündelik alty uçuşy amala aşyrar.
Aşgabat – Mary ugrunda bolsa hepdäniň günlerine baglylykda, dürli ýygylykdaky dört gatnaw guralar. Aşgabat – Balkanabat ugrunda hem her gün 10:00-da ýola düşjek T5-253 uçuşyny goşmak bilen, dört gatnaw göz öňünde tutulýar.
Galyberse-de, täze meýilnamada Aşgabat – Kerki ugruna uly ähmiýet berilýär.
Awiakompaniýa uçuş wagtynyň üýtgäp biljekdigini duýdurýar. Şol sebäpden hem, ýolagçylara «Türkmenistan» awiakompaniýasynyň resmi saýtyndan degişli maglumatlary barlamak maslahat berilýär.
