24-nji iýunda Türkmenistanyň Gruziýadaky Adatdan daşary we Doly ygtyýarly ilçisi D.Seýitmämmedow Gruziýanyň maliýe ministri L.Husiswili bilen duşuşdy. Diplomat we degişli edaranyň ýolbaşçysy ykdysady gatnaşyklaryň häzirki derejesini seljerdiler we olary giňeltmegiň esasy ugurlaryny kesgitlediler.
Taraplar özara maýa goýumlaryny artdyrmagyň mümkinçiliklerini we bankara gatnaşyklary berkitmegiň ýollaryny jikme-jik ara alyp maslahatlaşdylar. Salgyt ulgamlaryny dörebaplaşdyrmaga we telekeçiligi höweslendirmek üçin maliýe gurallaryny optimallaşdyrmaga aýratyn üns berildi. Duşuşyga gatnaşyjylar iki ýurtda durnukly ykdysady ösüşi üpjün edip biljek geljekki başlangyçlaryň çäklerini kesgitlediler.
Taraplar üstünligiň esasy şertiniň Türkmenistanyň we Gruziýanyň maliýe institutlarynyň arasyndaky ynamy berkitmekden ybaratdygy barada bir pikire geldiler. Mundan başga-da, yzygiderli gepleşikleri dowam etdirmäge we işewürlik gatnaşyklaryny çuňlaşdyrmak üçin bilelikdäki ädimleri utgaşdyrmaga taýýarlyk tassyklanyldy.
