Orenburgda «Tatar Kyzy - 2025» halkara bäsleşiginiň jemleýji tapgyry tamamlandy. Oňa Russiýadan we beýleki ýurtlardan bolan gözelleriň 12-si gatnaşdy.
Türkmenistandan Alsu Rafikowa ýeňiji boldy we «bäsleşigiň täze şa zenany» diýlip yglan edildi. Adaty täçden başga-da, Alsu Rafikowa «hasitu» diýilýän milli bezeg we bäsleşigiň baş baýragy — «Lada Granta» awtoulagy gowşuryldy.
Bäsleşige Türkmenistandan, Gazagystandan, Gyrgyzystandan, Türkiýeden, Tatarystandan, Başgyrdystandan, Krasnodar sebitinden, Moskwadan, Orenburgdan, Penzadan hem-de Týumen sebitinden wekiller gatnaşdylar.
Jemleýji çykyşdan öň gatnaşyjylar bir hepde Kazanda boldular, şol ýerde wokal boýunça çykyşlaryna taýýarlandylar, şeýle hem Tatarystanyň meşhur şahsyýetleri bilen aragatnaşyk sakladylar.
Wise-häkimiň wezipesini ýerine ýetiriji — Orenburgyň sebit we maglumat syýasaty ministri Ýuri Mironenko «Tatar Kyzy 2025» bäsleşiginiň ýylyň iň uly we iň täsirli wakalarynyň birine öwrülendigini aýtdy. Onuň sözlerine görä, bu waka diňe bir tatar dilini we medeniýetini gorap saklamak bilen çäklenmän, eýsem, sebitleriň arasyndaky dostlukly gatnaşyklary hem pugtalandyrar.
«Tatar Kyzy» bäsleşigi Bütindünýä tatarlar kongresi we Tatarstan Respublikasynyň hökümetiniň goldawy bilen bäsleşigiň guramaçylygyny utgaşdyrýan müdirlik tarapyndan geçirilýär. 2024-nji ýylda bäsleşigiň ýeňijisiniň Orenburgdan Alsu Baýgildina bolandygy sebäpli, bu sebit şu ýylky finalyň geçiriljek ýerine öwrüldi.
