Türkmenistanyň çempionatynyň 19-njy tapgyrynyň iki duşuşygy guralyp, «Altyn Asyr» futbol kluby öz futbol meýdanynda «Köpetdagy» kabul etdi we 5:1 hasabynda üstün çykdy. Hasaby 3-nji minutda «Altyn Asyr» futbol klubunyň düzüminden Myrat Annaýew açdy. Soňra 39-njy minutda Begençmyrat Myradow we 50-nji minutda Süleýman Muhadow tapawutlandylar (3:0). 53-nji minutda bolsa «Köpetdagyň» düzüminden Resul Mahmydow öz derwezesine gol geçirdi we hasap 4:0 boldy. «Köpetdag» 84-nji minutda Şamyrat Mämmedowyň geçiren bir goly bilen jogap toplarynyň birini geçirse-de, «Altyn Asyr» futbol klubunyň düzüminden Zafar Babajanow ýene-de hasaby artdyrdy. Ol 86-njy minutda geçirilen ahyrky gola awtorlyk etdi (5:1).
Günüň beýleki duşuşygynda bolsa «Aşgabat» öz futbol meýdanynda «Nebitçini» kabul etdi. Myhmanlar «Aşgabady» 2:1 hasabynda utmagy başardylar.
19-njy tapgyryň duşuşyklarynyň netijeleri:
13.09.2025 (şenbe)
«Aşgabat» – «Nebitçi» – 1:2
«Altyn Asyr» – «Köpetdag» – 5:1