Myrat Garryýew adyndaky Türkmenistanyň Döwlet lukmançylyk uniwersiteti resmi taýdan Hazarýaka ýurtlaryň uniwersitetleriniň we ylmy-barlag merkezleriniň assosiasiýasynyň täze agzasy hökmünde saýlanyldy. Bu möhüm çözgüt Gazagystanyň Atyrau şäherinde geçirilen Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň XXVII Baş Assambleýasynda kabul edildi.
1996-njy ýylda esaslandyrylan gurama üç onýyllygyň dowamynda Türkmenistanyň, Gazagystanyň, Russiýanyň, Azerbaýjanyň we Eýranyň öňdebaryjy uniwersitetlerini birleşdirýär. Häzir onuň düzümine 64 uniwersitet we ylmy-barlag instituty girýär. Nobatdaky möhüm çözgüt bolsa Watanymyzda ýokary bilimiň derejesiniň iň kämil hil ülňülerine laýyk gelýändigini tassyklady.
